Kólik ishinde qalǵan 2 mln teńgeni jymqyrǵan kúdikti ustaldy
Túrkistan. QazAqparat –Keles APB kezekshi bólimine aýdan turǵyny garajynda turǵan avtokólik ishindegi 2 mıllıon teńgesiniń joqtyǵyn kórip birden polıtsııa bólimine aryzdanǵan, dep habarlaıdy QazAqparat Túrkistan oblystyq PD baspasóz qyzmetine silteme jasap.
Atalǵan jaıtty polıtsııa qyzmetkerleri QR QK-niń 188-baby «Urlyq» boıynsha SDTBT-ǵa tirkep, birden kúdiktini izdeýge kiristi. Qylmysty ashý maqsatynda aýdandyq polıtsııa bóliminde tájirıbeli qyzmetkerler qatarynan jedel-tergeý toby quryldy.
Jedel-izdestirý is-sharalarynyń nátıjesinde Keles APB qyzmetkerleri kúdiktini ustap, polıtsııa bólimine jetkizdi. Ustalǵan azamat jábirlenýshiniń aýyldasy bolyp shyqty. Tergeý barysynda jigittiń budan buryn basqa da jaıttarǵa qatysy bar ekendigi anyqtaldy. Kúdikti óz kinásin moıyndady, ol urlaǵan aqshany óz qajettiligine jumsaǵan. Qazirgi ýaqytta atalǵan jaıttar boıynsha sotqa deıingi tergeý amaldary júrgizilýde. Kúdikti qolhatta.
