Kólik ınfraqurylymynyń 2020 jylǵa deıingi damýy baǵdarlamasynyń jobasy maquldandy
ASTANA. 26 qarasha. QazAqparat - Búgin Úkimet otyrysynda Kólik ınfraqurylymynyń 2020 jylǵa deıingi damýy baǵdarlamasynyń jobasy maquldandy. Atalǵan baǵdarlama boıynsha Kólik jáne kommýnıkatsııa mınıstri Asqar Jumaǵalıev baıandama jasady.
«Baǵdarlamada óńirlerde jergilikti kólik ınfraqurylymyn damytý, kólik ınfraqurylymyn halyqaralyq kólik júıesine yqpaldasýyn qamtamasyz etý, tranzıttik tasymaldy 2020 jylǵa deıin eki esege ulǵaıtý sekildi negizgi baǵyttar eskerildi. Baǵdarlama jobasyn ázirleý Dúnıejúzilik banki sarapshylarynyń qoldaýymen júrgizildi»,-dedi mınıstr. Belgili bolǵanyndaı baǵdarlama aıasynda 2020 jylǵa deıin 30 myń shaqyrym avtojoldy, 8202 shaqyrym temirjol jelisin jóndeý, sondaı-aq 100 paıyzǵa temirjol beketteri men respýblıkalyq kólik ınfraqurylymynyń damýyna baǵyttalǵan basqa da sharalardy júzege asyrý josparlanǵan. Atap aıtqanda, avtokólik joldary torabyn damytý aıasynda 2020 jylǵa qaraı jol qozǵalysy qaýipsizdigin arttyrý maqsatynda respýblıkalyq mańyzy bar 4,5 myń shaqyrym joldar birinshi tehnıkalyq kategorııaǵa kóshiriledi. Osy oraıda jaqsy jaǵdaıdaǵy, sondaı-aq qanaǵatty kúıdegi respýblıkalyq mańyzy bar joldar 89 paıyzdy quramaq.
