Kólik ıelerine medıtsınalyq anyqtamany 4 mamandandyrylǵan QR HQKO bere bastady
ASTANA. QazAqparat - Qazaqstannyń 4 mamandandyrylǵan HQKO-larda medıkter jumys isteı bastady. Bul týraly QR Baılanys jáne aqparat agenttiginiń tóraǵasy Asqar Jumaǵalıevke silteme jasaı otyryp Kazpravda.kz habarlady.
«Búginde 5 osyndaı ortalyq ashylǵanyn bilesizder, olardyń tórteýinde psıhonevrologııalyq jáne narkologııalyq dıpanserler qyzmetkerleri jumys isteıdi, olar kólik ıelerine qajetti anyqtama beredi. Taıaý ýaqytta astanalyqtarda da osyndaı múmkindik paıda bolady», - dep habarlady agenttik basshysy.
Jumaǵalıevtiń aıtýynsha, Astanadaǵy avtomobıldik HQKO klıentteri aldaǵy ýaqytta psıhonevrologııalyq jáne narkologııalyq dıpanserlerdiń anyqtamalaryn ala alady. Anyqtama júrgizýshi kýáligin alǵan kezde qajet ekenin atap ótemiz.
BAA tóraǵasy sondaı-aq «mamandandyrylǵan HQO ashylýyna qaraı qyzmet basqa da óńirlerge engiziletinin habarlady. Sonymen, 2015 jyldyń basynda Qyzylorda, Petropavl, Pavlodar, Taldyqorǵan qalalarynda 4 kólik HQKO iske qosý josparlanýda».
Sondaı-aq agenttik memorgandarmen birlesip 2015 jyly Halyqqa qyzmet kórsetý ortalyǵy arqyly kórsetiletin 32 jańa qyzmetterdi iriktegeni belgili boldy.
