Kólik esigine soǵylǵan: Almatyda samokat tepken boıjetken kóz jumdy
ALMATY. QazAqparat - Almatyda moped jáne elektrosamokattardyń jol-kólik oqıǵalaryna túsý faktileri kóbeıdi. Bul týraly qalalyq Polıtsııa departamentinen málim etti, dep habarlaıdy QazAqparat tilshisi.
Almaty qalalyq Polıtsııa departamenti baspasóz qyzmetiniń málimetinshe, bıyl alty aı ishinde moped men samokat aıdaýshylar arasynda 77 jol-kólik oqıǵasy tirkelip, 81 adam zardap shekti. Sondaı-aq samokat tizgindegen 1 adam qaza boldy. Oqıǵa 10 maýsym kúni Markov kóshesinde boldy.
«Jolda samokatpen kele jatqan 27 jastaǵy boıjetken toqtap turǵan kóliktiń esigine soǵylyp, alǵan jaraqatynan kóz jumdy», - dep atap ótti vedomstvodan.
Buǵan deıin Almatyda Terrenkýr aýmaǵynda elektrosamokat qozǵalysyna tyıym salynǵany týraly jazǵan bolatynbyz.
