Kólik apatynan 14 jastaǵy júrgizýshi mert bolyp, taǵy 4 jasóspirim aýrýhanaǵa tústi
Oblystyq Polıtsııa departamenti baspasóz qyzmetiniń málimetine súıensek, jol-kólik oqıǵasy 9 qarashada saǵat 16:30-da bolǵan.
«Qurmanǵazy aýdanyndaǵy Jastalap aýylynyń tusynda Toyota Corolla avtokóligi jol jıegine aýdarylyp, júrgizýshisi oqıǵa ornynda qaza boldy. Apatqa ushyraǵan kólikti 2008 jyly týǵan jasóspirimniń júrgizgeni anyqtaldy. Kólik salonynda bolǵan 2007 jyly týǵan 4 jasóspirim túrli dene jaraqatymen Qurmanǵazy aýdandyq ortalyq aýrýhanasyna jetkizildi», - dep habarlady departamenttiń baspasóz qyzmetinen.
Qazir atalǵan jol-kólik oqıǵasyna qatysty QR Qylmystyq kodekstiń 345-baby 3-bóligimen sotqa deıingi tergep-tekserý amaly bastaldy. Jol apatynyń mán-jaıyn tolyq anyqtaý baǵytynda tekserý jumystary júrgizildi. Onyń barysynda jasóspirim ata-anasynyń ruqsatynsyz avtokólikti aıdap ketkeni anyqtaldy.