Kólik apatyna urynǵan qyrǵyz prokýrorynyń mashınasynan qylmystyq ister tabyldy
ASTANA. QazAqparat - Bishkek qalasynyń Pervomaıskoe aýdandyq prokýrorynyń kómekshisi Danııar Seıtalıevtiń kóliginen 25 toqtatylǵan qylmystyq istiń papkileri tabyldy, dep habarlaıdy 24.kg .
Bul aqparatty eldiń Bas prokýratýrasy rastady. Qyrǵyzstan zańy boıynsha barlyq qylmystyq isterdiń papkalary qadaǵalaý organynyń keńsesinde saqtalýy tıis.
19 shildede Danııar Seıtalıev Ystyqkól oblysynan issapardan kele jatyp, jol kóligi apatyna urynǵan. Onyń Toyota 4Runner avtokóligi qarsy kele jatqan Honda-Strımge soǵyldy. Kólikti basqarǵan boıjetken bala oqıǵa ornynda kóz jumdy.
«Seıtalıevtiń kóliginen qylmystyq ister tabyldy, al kólik quralynyń ózi qazir aıyp turaǵynda», - dedi ІІM PMB.
Qyrǵyzstan Bas prokýratýrasy Seıtalıevti bir aıǵa qamaýǵa alý túrindegi bultartpaý sharasy qoldanylǵandyǵyn málim etti. Sondaı-aq, Patrýldik mılıtsııa basqarmasynyń bastapqy derekterine sensek, prokýror kómekshisiniń mas kúıde kólik basqarǵandyǵy anyqtalǵan.
