Kóligińiz qur bosqa otalyp tursa, aıyppul tóleısiz
ASTANA. 25 jeltoqsan. QazAqparat - Seýl bıligi parnıkti effektimen kúreste uzaq ýaqyt boıy bosqa otalyp turǵan kólik júrgizýshilerine aıyppul salý týraly sheshim shyǵardy.
Bul erejeler Koreıa astanasynda 3013 oryn men onyń shetkeri aýdandarynda oryndalýy tıis. Osy aýmaqtarda jeńil avtokólik qozǵaltqyshy 3 mınýttan astam ýaqyt boıy jaı qosylyp tursa, onyń ıesine 50 myń von (47 dollar) kóleminde aıyppul salynady.
Aýa temperatýrasy nolden tómendegende, bolmasa 30 gradýs ystyq bolǵan kezde ǵana bul talaptyń oryndalmaýy yqtımal. Mundaı jaǵdaılarda da tek júk tasymaldaıtyn kólikterdiń nemese jolaýshylar avtobýsynyń júrgizýshileri aıyppul tólemeıdi.
