Kóligińiz alkogoldiń ıisin sezse, júrmeı qoıady
ASTANA. 3 qańtar. QazAqparat - Amerıkanyń Qaýipsiz jol qozǵalysy jónindegi ulttyq basqarmasy kólikke mas kúıinde otyratyn júrgizýshilermen kúresti shyndap qolǵa aldy. Olar kólikterdiń bazalyq jabdyqtaýyna júrgizýshiniń jalpy jaǵdaıyn baqylaıtyn júıeni engizýdi usynyp otyr. Mundaı júıe kólikke mas kúıinde otyrýǵa jol bermeıdi.
Búgingi kúni jobany avtokólik óndirýshi 15 kásiporyn qoldap otyr. Bul júıeniń jumys isteý prıntsıpi qarapaıym. Aýany baqylaýshy arnaıy qurylǵy alkogol ıisin sezse, ol aqparatty borttyq kompıýterge baǵyttaıdy.
Ekinshi deńgeıdegi qurylǵy kóliktiń róline ornatylady, ıaǵnı alaqan oǵan tıgende qan quramyndaǵy alkogol anyqtalady.
Úshinshi deńgeıdegi sharýany arnaıy kameralar tyndyrady, ol adamnyń betiniń túsi men is-áreketine baılanysty onyń qandaı jaǵdaıda ekeni týraly sheshim shyǵarady.
Osy júıelerdegi aqparattar negizinde kompıýter qorytyndy sheshim qabyldaıdy. Basqasha aıtqanda, ishimdikke sylqııa toıyp, kólikke otyrmaq bolǵan júrgizýshiniń kóligi ot almaıdy.
