Kóliginiń urlanǵany týraly jalǵan habar bergen temirtaýlyq 7 jylǵa sottalýy múmkin
QARAǴANDY. QazAqparat - Quqyq qorǵaý qyzmetkerlerine kóligin joǵaltqany týraly jalǵan habar bergen Temirtaý turǵyny jeti jylǵa deıin bas bostandyǵynan aıyrylýy múmkin, dep habarlaıdy QazAqparat tilshisi.
11-shi naýryz kúni Temirtaý qalasynyń Polıtsııa basqarmasyna qarasty Eski qalalyq polıtsııa bólimine 33 -jastaǵy qala turǵyny habarlasyp, belgisiz bireýler jalpy quny 10 mıllıonnan astam teńge turatyn «Toıota Kamrı V2» avtokóligin urlap ketkendigi týraly shaǵymdanǵan.
Urlyq faktisi boıynsha qylmystyq is tirkelgen.
17-shi naýryz kúni polıtsııa qyzmetkerleri kóliktiń ıesin tapqan. Ol kólik joǵalǵany týraly polıtsııaǵa jalǵan habar bergen adamnyń ózi bolyp shyqty. Mundaı áreketke ol kóliginiń nesıesin tólemeý maqsatynda barǵan. Osy kezde atalǵan is boıynsha tergeý amaldary júrgizilýde.
Oblystyq Polıtsııa departamenti Qazaqstan Respýblıkasy Qylmystyq Kodeksiniń 419 baby 3 tarmaǵy, ıaǵnı «Jalǵan aqparat berý» baby boıynsha 3 jyldan 7 jylǵa deıin bas bostandyǵynan aıyrý jazasy beriletinin eskertedi.
