Kóligine sekseýil tıegen eki azamat 5 jylǵa sottalýy múmkin - Qyzylorda
QYZYLORDA. QazAqparat - Jyl basynan bastap Qyzylorda OІІD Jergilikti polıtsııa qyzmeti Tabıǵatty qorǵaý polıtsııa salasynyń qyzmetkerleri oblys kóleminde ekologııalyq qylmystarǵa qarsy kúres baǵytynda reıtik is-sharalar júrgizdi.
Shara barysynda 2017 jyldyń qańtar aıynyń 16-sy kúni saǵat 10.20 shamasynda Qyzylorda oblysy Shıeli aýdanynda 1988 jyly týylǵan azamattyń basqarýyndaǵy «Zıl-57» markaly avtokóligin toqtatyp, tekserý barysynda avtokóliktiń júksalǵyshyna tıelgen sekseýil tabyldy. Bul týraly QazAqparat HAA tilshisi oblystyq ІІD silteme jasap habarlady.
Sonymen qatar, 15.01.2017 jyly saǵat 17:00 shamasynda Qyzylorda oblysy Syrdarııa aýdany, Besaryq aýylynyń kireberisinde GAZ-53 markaly avtokóligi toqtatylyp, tekserý barasynda avtokóliktiń júk salǵyshyna tıelgen sekseýil aǵashy alyndy.
Atalǵan 2 derek boıynsha da Qazaqstan Respýblıkasy Qylmystyq Kodeksiniń 340-baby 1-bólikterimen qylmystyq is qozǵalyp, sotqa deıingi tergep-tekserý amaldary júrgizilýde.
Eger de kúdikti azamattardyń kinási dáleldengen jaǵdaıda, olar eki júz aılyq eseptik kórsetkishke deıingi mólsherde aıyppul salýǵa nemese eki jyldan bes jylǵa deıingi merzimge bas bostandyǵynan aıyrýǵa jazalanatyn bolady.
