Kóligine kıik etin tıegen qaraǵandylyq ustaldy
QARAǴANDY. QazAqparat – Qaraǵandy oblystyq tabıǵatty qorǵaý polıtsııasy kóliginde kıik etin tasymaldap bara jatqan azamatty ustady, dep habarlaıdy QazAqparat tilshisi.
5 tamyzda tabıǵatty qorǵaý polıtsııasy zańsyz kıik aýlaýdyń aldyn alý jáne jolyn kesý boıynsha júrgizilgen is-sharalar barysynda «Jezqazǵan-Esil-Petropavl» tas jolynyń boıynda Sátbaev qalasynyń aýmaǵynda Qaraǵandy qalasynyń 47 jasar turǵynynyń basqarýyndaǵy «Taıota-Sıýrf» avtokóligin toqtatty.
«Kólikke júrgizilgen tekseris jumystary barysynda avtokóliktiń júk salǵyshynan 2 paketke oralǵan et tárkilendi. Kólik júrgizýshisi tabylǵan ettiń kıik eti ekenin jáne ony belgisiz azamattan satyp alǵandyǵy týraly túsinikteme berdi», - dep málimdedi Qaraǵandy oblystyq PD baspasóz qyzmetinde.
Atalǵan derek boıynsha QR Qylmystyq kodeksiniń 339-baby (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha qylmystyq is qozǵady. Qazirgi ýaqytta polıtsııa qyzmetkerleri tıisti saraptama taǵaıyndap, tergeý amaldaryn júrgizýde.
