Kóligine 90 mysyq artyp alǵan kontrabandashy ustaldy
ASTANA. 12 shilde. QazAqparat - Taılandtyń tártip saqshylary 90 mysyq artylǵan júk kóligin ustady.
Júk kóligi Nakhonphanom provıntsııasynyń beketinde qolǵa tústi. Tekserý barysynda ishinde mysyqtary bar 6 plastıkalyq tor tabyldy. Júrgizýshiniń túsindirýi boıynsha oǵan mysyqtardy Laos shekarasynyń mańyndaǵy Mekong ózenine deıin jetkizip berýdi surap, 60 AQSh dollaryn tólegen.
Tártip saqshylarynyń boljamyna súıensek, mysyqtar kontrabandalyq jolmen Vetnamǵa jetkizilmek bolǵan. Onyń eti bul elde joǵary baǵalanatyn kórinedi. Vetnamdaǵy kóptegen meıramhanalarynda Taılandtan ákelinetin mysyqtar men ıtterdiń etterinen túrli taǵam ázirlenedi.
