Kóligin kran japyrǵan júrgizýshiniń qalaı aman qalǵany vıdeoǵa túsip qaldy

ASTANA. QazAqparat - Krannyń kólikti japyrǵan sáti 17 qazan kúni Qytaıdyń Chjýhaı qalasyndaǵy baqylaý kamerasyna túsip qalǵan. 

Gıdravlıkalyq munaraly kran baǵdarshamda turǵan avtomobıldiń tap ústine, kólikti áp-sátte japyryp tastaǵan. Vıdeonyń alǵashqy kórinisterinen  kólik júrgizýshisi qaza taýyp nemese aýyr jaraqat aldy dep tuspaldaýǵa bolady.  Alaıda, kran qulaǵannan soń birneshe sekýndardan keıin onyń kólik salonynan aldyńǵy áınekteri arqyly shyǵyp kele jatqanyn kórýge bolady. Er adamnyń jilinshigi ǵana synyp, jaqyn jerdegi aýrýhanaǵa jetkizilgen, dep habarlaıdy Yahoo News.