Kóligin aıdap áketkendigi jóninde jalǵan aqparat bergen kókshetaýlyq jaýapqa tartylmaq
KÓKShETAÝ. QazAqparat - Kóligin aıdap áketkendigi jóninde jalǵan aqparat bergen kókshetaýlyq jaýapqa tartylmaq. Bul týraly oblystyq ІІD baspasóz qyzmetinen habarlady.
Polıtseılerdiń málimeti boıynsha 20 maýsymda Kókshetaý qalalyq ІІB-ine 26 jastaǵy qala turǵyny habarlasyp, 19 maýsym kúni saǵat 03:00-de Abylaı han dańǵylyndaǵy «Jaqsy» dámhanasynyń mańynda turǵan «VAZ-2114» jeńil kóligin belgisiz bireýler aıdap áketkenin aıtqan.
«Atalǵan oqıǵaǵa baılanysty sotqa deıingi óndiristik is qozǵaldy. Tergeý amaldary barysynda anyqtalǵandaı kóńil kóterý ornynan ishimdik iship úıine qaıtqan aryzdanýshy tanysyna dámhananyń mańynda turǵan kólikti úı mańyna aıdap ákelýdi ótingen. Keıin sengish tanysy atalǵan kólikti basqaryp kele jatqanda jol patrýldik polıtsııa qyzmetkerleriniń qolyna túsip, kólik ıesi anyqtalǵansha aıyp alańyna qoıylady.
Kelesi kúni tańerteń kólik ıesi ózge tanystarynyń usynysy boıynsha mashınasyn belgisiz bireý aıdap áketti dep polıtsııaǵa aryz túsiredi. Tergeý amaldary kezinde onyń aramza oıy áshkerlenedi.
Qazirgi kezde, aryzdanýshynyń ústinen QR QK 419-babynyń 2-tarmaǵy boıynsha (qylmys týraly jalǵan aqparat berý) qylmystyq óndiristik is qozǵaldy. Atalǵan bap boıynsha onyń qylmysy dáleldenip jatsa, onda oǵan úsh myń aılyq eseptik kórsetkish aıyppul nemese úsh jyl bas bostandyǵynan aıyrý jazasy taǵaıyndalýy múmkin», dep kórsetilgen habarlamada.
