Kóligimen jigitti qaǵyp óltirgen Rıdder ákimi orynbasarynyń isi sotqa tústi
ÓSKEMEN. QazAqparat - Mas kúıinde kólik aıdap, 19 jastaǵy jigitti mert etken Rıdder qalasy ákiminiń orynbasaryna qatysty is sotqa joldandy, dep habarlaıdy QazAqparat tilshisi.
Oblystyq sottyń aqparaty boıynsha, sheneýnikke «jol erejesin buzý arqyly abaısyzda adam ólimine sebepker boldy» degen aıyp taǵylyp otyr. Atalmysh is Qylmystyq kodekstiń 345-babynyń 3-bóligi boıynsha 21 maýsym kúni Rıdder qalalyq sotynda qaralady. Otyrys ashyq rejımde ótpek.
Eske salsaq, 16 sáýirde Rıdder qalasy ákiminiń orynbasary Baýyrjan Qurmanbaev 19 jastaǵy jigitti qaǵyp óltirdi degen kúdikpen qamaýǵa alynǵan bolatyn.
Onymen birge kólik ishinde Óskemen qalasynyń ákimi Qýat Tumabaev bolǵan. Ol 6 maýsym kúni oqıǵa boıynsha alǵash ret málimdeme jasap, sot aıaqtalǵansha óz erkimen aqy tólenbeıtin eńbek demalysyna ketetinin málim etti.
Qylmystyq istiń tergelýi oblys prokýratýrasynyń tikeleı baqylaýyna alyndy.
