Kóligimen kelinshekti 3 márte basyp ótken aqtaýlyq jetkinshektiń anasy jaýapqa tartylýy múmkin
Departamenttiń habarlaýynsha, 58 jastaǵy áıeldi avtokólikpen úsh márte basyp ótken jasóspirimge qatysty qylmystyq is qylmystyq quramnyń bolmaýyna baılanysty toqtatylǵan.
«Kámeletke tolmaǵanǵa qatysty qylmystyq iste qylmys quramynyń bolmaýyna baılanysty toqtatyldy. Quqyq buzýshylyq jasaǵan kezde júrgizýshi on alty jasqa tolmaǵan. Sondyqtan jasóspirimdi Qazaqstan Respýblıkasynyń Qylmystyq kodeksine sáıkes jaýapkershilikke tartylmaıdy», - dep túsindirdi vedomstvonyń baspasóz qyzmeti.
Sondaı-aq, polıtseıler avtokólik ıesi jaýapqa tartylmaǵanyn aıtty. Sebebi, jasóspirim avtokóliktiń kiltin kólik ıesiniń ruqsatynyz alǵan. ıAǵnı kólik ıesi jasóspirimniń kólikti júrgizgeninen habarsyz bolǵan.
«Qazaqstan Respýblıkasynyń «Ákimshilik quqyq buzýshylyq týraly« kodeksiniń 127-baby boıynsha kámeletke tolmaǵan balanyń anasy jaýapqa tartylady», - delingen habarlamada.
Esterińizge sala keteıik, buǵan deıin Aqtaýda 15 jasar jetkinshek áıeldi kólikpen 3 márte basyp ótkenin jazǵan bolatynbyz. Saldarynan áıeldiń densaýlyǵyna aýyr zııan kelgen. Jábirlenýshiniń 5 qabyrǵasy synyp, ókpesi tesilip, aıaq sińirleri úzilip ketken.
Keıinirek polıtsııa departamenti eki bap: QR QK 345-baby 2-bóligi men QR QK 349-baby 2-bóligi boıynsha sotqa deıingi tergeý júrip jatqanyn habarlady.