Kóligimen aǵashqa soǵylǵan mas polıtseı men úsh jolaýshy aýrýhanaǵa jetkizildi
ASTANA. QazAqparat - Stavropolde kóligimen aǵashqa soǵylǵan polıtseıge qarsy qyzmettik tergeý júrgizilýde, apat saldarynan zardap shekkender bar, dep habarlady ІІM ólkelik MM baspasóz qyzmeti.
«Aldyn ala derekter boıynsha, Kırov aýdanynda jumystan tys ýaqytta Pıatıgorsk polıtseıi óz kóligimen kele jatyp, rýldi basqara almaı, aǵashqa soǵylǵan. Medıtsınalyq kýálandyrý nátıjesi polıtseıdiń ishimdik ishkenin anyqtady», - delingen habarlamada.
Apat saldarynan polıtseı, taǵy úsh jolaýshy jaraqattanyp, aýrýhanaǵa jatqyzyldy.
