Kóligimen adam qaǵyp óltirgen aqtóbelik júrgizýshi ustaldy
AQTÓBE. QazAqparat - Aqtóbede jol boıynda turǵan adamdy qaǵyp, oqıǵa ornynan qashyp ketken kúdikti anyqtaldy, dep habarlaıdy QazAqparat tilshisi.
Oqıǵa 29 shilde kúni Bogoslovka tasjolynda tirkelgen bolatyn. Polıtsııa bir adamnyń kóz jumǵanyn, júrgizýshiniń oqıǵa ornynan qashyp ketkenin habarlady.
«Polıtsııa qyzmetkerleri jan-jaqty izdeý jumystaryn júrgizip, 17 jastaǵy kúdiktini ustady. Kámelet jasqa tolmaǵan kúdikti «Vaz-2110» kóligin jezdesinen alyp, serýendemek bolǵan. Sazdy aýylynan Aqtóbe qalasyna qaraı baǵyt alǵanda jol jıeginde turǵan er adamdy qaǵyp ketti. Toqtamaı qashyp ketken kúdiktiniń kóligi Alǵa aýdanynyń Qaraqudyq aýylyndaǵy tanysynyń aýlasynan tabyldy», - dep habarlady oblystyq PD baspasóz jetekshisi Erbolat Sarqulov.
Qazir tergeý júrip jatyr. Al kámelet jasqa tolmaǵan kúdikti ata-anasynyń qaraýyna berildi. Kólik aıyp turaǵyna jetkizildi.
