Kóligi jol jıegine shyǵyp ketken áıel men onyń balalaryna kómek kórsetildi - ShQO
ÓSKEMEN. QazAqparat – Shyǵys Qazaqstan oblysynda polıtseıler kóligi jol jıegine shyǵyp ketken áıel men onyń balalaryna kómekke keldi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy «Semeı-Kýrchatov» tasjolynda bolǵan.
Birden sol jerge Áýezov polıtsııa bóliminiń qyzmetkeri, polıtsııa kapıtany Áskerbek Qabıev attandy.
«Ýchaskelik polıtsııa ınspektory Chekoman aýylynan traktor shaqyrtqan. Kóp uzamaı kólik qardan shyǵarylyp, eń jaqyn ornalasqan Dostyq aýylyna deıin jetkizildi», - delingen habarlamada.
Aıta keteıik, kólik tizgininde bolǵan áıel Kýrchatov qalasynan Semeıge eki balasymen birge bara jatqan.
Jol-kólik oqıǵasynan eshkim zardap shekken joq.
