Kóligi qar qursaýynda qalǵan balyqshylar qutqaryldy
ÓSKEMEN. QazAqparat - Shyǵys Qazaqstanda qutqarýshylar Ulan aýdanynan úsh balyqshyny evakýatsııalady, dep habarlaıdy «QazAqparat» HAA tilshisi TJD-ǵa silteme jasap.
Er adamdar balyqshylyqpen aınalysyp, aýa raıynyń qubylǵanyn baıqamaı qalǵan. Olar zattaryn jınap, mashınany otaldyramyz degenshe, qar qatty jýyp, boran bastalǵan. «Volga» markaly avtomobıl qar qursaýynda qalyp, ary qaraı júre almaǵan. Er adamdar qutqarýshylardan kóp suraǵan.
«Zardap shegýshiler qaıda ekendikterin boljammen kórsetip, bizdiń Óskemendegi top Ulan aýdanyna bet alǵan. Er azamattar Kamenskıı sý qoımasynyń jaǵalaýynda bolǵan. Eshkim zardap shekpedi. Bizdiń bólimniń qyzmetkerleri adamdardy Kanaıkı aýylyna deıin evakýatsııalady», - dedi qutqarýshy ıÝrıı Sýrtaev.
Qazir oblystaǵy barlyq baǵyttardaǵy joldar ashyq.
