«Qoly, tobyǵy synǵan»: Óskemende kóktaıǵaqtan 200-ge jýyq adam zardap shekti

ÓSKEMEN. KAZINFORM – Óskemen qalasynda bir apta ishinde kóktaıǵaqtan 200-ge jýyq adam zardap shekti.

Sońǵy kúnderi qalada kóktaıǵaq qalyptasyp, turǵyndarǵa qolaısyzdyq týdyrǵan. Ótken apta ishinde kóktaıǵaqta taıyp qulaǵan 200-ge jýyq adam medıtsına qyzmetkerlerine qaraldy. Bul týraly ShQO Densaýlyq saqtaý basqarmasynyń baspasóz qyzmetinen habarlap otyr.

- Kóktaıǵaqtan barlyǵy 193 adam zardap shekti. Olardyń kóbisiniń qoly, bilegi pen tobyǵy synǵan. Sondaı-aq denesi kógerip qalǵandar da jıi kezdesedi, - delingen aqparatta.

Osy aptada da kóktaıǵaqta qulap jatqandar az emes. Ortasha eseppen alǵanda kún saıyn 30 adam zardap shegedi.

Dárigerler kóktaıǵaqta qulap qalǵan soń qol-aıaǵy aýyrsynǵan adamdarǵa birden aýrýhanaǵa kelip, qaralýǵa keńes berdi.

Eske salsaq, osyǵan deıin medıtsınalyq saqtandyrý týraly jańa zańda qandaı ózgerister bolatyny jaıly jazǵanbyz.