Kóligine «ádemi» nómir alǵysy kelgender sany kúrt artty
ASTANA. KAZINFORM – Elimizde kóligine «ádemi» memlekettik tirkeý nómirlik belgisin alýǵa 11 myńǵa jýyq adam ótinim berdi. Bul týraly Jasandy ıntellekt jáne tsıfrlyq damý birinshi vıtse-mınıstri Rostıslav Konıashkın aıtty.
Úkimet otyrysynan keıingi brfıng barysynda ol jańa qyzmet túri iske qosylǵan alǵashqy kúnderi memlekettik tirkeý nómirlik belgisin berý qyzmetine suranys óte joǵary bolǵanyn atap ótti.
- Taıaýda Jasandy ıntellekt jáne tsıfrlyq damý mınıstrligi suranys joǵary nómirlik belgilerdi satyp alýǵa ótim berýdiń jańa tetigin iske qosty. Jańashyldyqtyń nátıjesinde elimizdiń birqatar óńirinde azamattardyń halyqqa qyzmet kórsetý ortalyqtaryna jınalýy baıqaldy, - dedi ol.
Birinshi vıtse-mınıstrdiń aıtýynsha, adamdardyń HQKO-larǵa jappaı kelýi ýaqytsha ári jańa qyzmettiń iske qosylýyna oraı qyzyǵýshylyqtyń artýyna baılanysty boldy.
Buǵan deıin halyq úshin qolaıly jaǵdaı jasaý maqsatynda 2026 jylǵy 1 qańtarynan kez kelgen qajetti tsıfrlyq jáne áriptik belgilermen memlekettik tirkeý nómirlik belgisin erkin tańdaýdy kózdeıtin normalar qoldanysqa engenin jazǵan edik.