Kólginov jańbyr sýynyń astynda qalatyn kósheler problemasyn qalaı sheshpek
NUR-SULTAN. QazAqparat –Elordada nóserli jaýyn sýynyń astynda qalatyn kóshelerdiń problemasyn sheshý úshin eki-úsh jyl qajet. Bul týraly «Habar 24» telearnasyna suhbat bergen Nur-Sultan qalasynyń ákimi Altaı Kólginov aıtty, dep habarlaıdy QazAqparat.
Suhbat barysynda A.Kólginov qala kóshelerindegi káriz júıesin retke keltirý jumystarynyń barysy týraly málim etti.
«Bul másele ásirese, kúzde, kóktemde jańbyr jaýǵanda týyndaıdy. Jazdygúni nóser jańbyr jaýǵanda da sý tolyp qalatyn jerler bar. Ony qala turǵyndary jaqsy biledi. Eń problemalysy – Baýyrjan Momyshuly kóshesinde. Ol jer osydan bir-eki jyl buryn da talqylanǵan. Sodan beri ákimdikte jobalyq qujattama ázirlendi. Osyǵan uqsas taǵy bir oryn – Respýblıka dańǵyly men Imanov kóshesiniń qıylysynda. Al úshinshisi – Turan dańǵylynda. Bul úsheýi – eń irisi», - dedi ol.
Elorda basshysynyń aıtýynsha, jańbyr jaýǵan saıyn «109» iKOMEK ortalyǵyna da qońyraýlar kóptep túsedi.
«Áleýmettik jelilerden de habarlar túsedi. Qala boıynsha sý jınalyp qalatyn 32 oryn bar eken. Sonyń 16-synyń qazir jobalaý jumystaryn bastap kettik. Aldaǵy ýaqytta taǵy 16-syna jobalaý jumystaryn júrgizýimiz kerek. Eń ózektisi – Baýyrjan Momyshuly kóshesindegi tusqa qazir konkýrs júrgizilip jatyr. ıAǵnı, jobalaý jumysy bitti. Al konkýrs aldaǵy ýaqytta bitedi. Bıyl bastasaq, kelesi jyly aıaqtaýymyz kerek. Baýyrjan Momyshuly kóshesi eki kezeńnen turady. Birinshisi – ınjenerlik jeli, sý jınaıtyn káriz júıesi. Al ekinshisi sýdy tazartatyn joba bar. Bul 3 mlrd teńge turady. Ony kelesi jyly bastaıtyn bolamyz. Imanov kóshesindegi rásimdeý qujattarynyń bári bitti. Konkýrs aıaqtaldy, merdiger belgilendi. Olar jumysyn bastady. Aldaǵy ýaqytta bul jumystyń bastalǵanyn kórsetetin bolamyz. Ol da úlken joba. Imanov kóshesinen sýdyń bárin aǵyzyp áketý kerek. Jer qazyp 7-9 metrge deıin sýdy buratyn káriz jelilerin salýymyz qajet. Ary qaraı sý jınaqtaıtyn orny bolady. Sony qalpyna keltirýimiz kerek», - dedi ol.
Ákimniń sózinshe, bul – úlken jumys jáne ony iske asyrýǵa eki-úsh jyl ýaqyt qajet.
«Eń bastysy, jumys bastaldy. Bul Memleket basshysynyń qadaǵalaýynda tur. Tıisti qarjy bólindi. Kóringen taýdyń alystyǵy joq. Ol jumysty aıaqtaımyz», - dep túıindedi shahar basshysy.
