Kólginov LRT jobasy týraly: Orta joldan qalaı toqtatamyz
NUR-SULTAN. QazAqparat – Damyǵan qoǵamda adamdardyń kóbi qoǵamdyq kólikpen júredi. Bul týraly Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
Ákimniń aıtýynsha, qazirgi tańda jobany ońtaılandyrý arqyly qurylysy shyǵynyn azaıtý boıynsha jumys bastalǵan.
«Qazirdiń ózinde qanshama jumystar jasalyp qoıdy. Bul joba – bolashaqtyń jobasy. El astanasy áli ósetini anyq. Buryn qandaı qalaı edi, qazir qandaı qala? Halqy osynsha ósetinin eshkim boljaı alǵan joq. Damyǵan qoǵamda adamdardyń kóbi qoǵamdyq kólikpen júredi. Aspaly temirjol – sonyń biri», - dedi elorda ákimi búgingi jıynnan keıin jýrnalısterge bergen suhbatynda.
Ol sondaı-aq, jobany qaıta qaraý kezinde Prezıdent aıtqan synnyń bári eskeriletinin jetkizdi.
«Syn aıtyldy. Endi sonyń negizinde jumys isteımiz. Orta joldan qalaı toqtatamyz? Halyqaralyq mindetteme degen bar. Eń bastysy, qurylysty saýatty ári sapaly etip jolǵa qoıý kerek. Aqshasy men ınfraqurylymyn naqty mamandar esepteıtin bolady. Jobanyń quny qysqarýy múmkin», - dedi Altaı Kólginov.
Budan buryn habarlanǵandaı, Nur-Sultan qalasynda salynyp jatqan LRT -nyń qurylysy ýaqytsha toqtatylǵan bolatyn. Sonymen qatar, bıyl kóktemde Álıhan Smaıylov elordada jeńil relsti kólik qurylysy (LRT) boıynsha joba jalǵasyn tabatynyn aıtqan edi. Sondaı-aq, keıin LRT qurylysynyń qashan naqty aıaqtalatyny belgili boldy. Sondaı-aq, Prezıdent LRT qurylysyna núkte qoıýdy tapsyrdy.
