Kólginov Qaraótkeldegi áskerı bólim aýmaǵynda turatyn otbasylarmen kezdesti
NUR-SULTAN. QazAqparat - Elorda ákimi Altaı Kólginov Qaraótkel (Ilınka) kentinde ornalasqan Ulttyq ulannyń áskerı bólimine bardy, dep habarlaıdy QazAqparat ákimdikke silteme jasap.
Áskerı bólim aýmaǵynda áskerı qyzmetshilerdiń otbasylaryna arnalǵan 104 páterlik turǵyn úı salynǵan. Munda jalpy 350-den astam adam turady. Qalashyqtyń aýmaǵy 20 gektardy quraıdy.
Kezdesý barysynda turǵyndar kóshe jaryqtary, dárihanalar men jaıaý júrginshiler ótpeleri joqtyǵyn, sondaı-aq qoǵamdyq kólikpen problemalar baryn jetkizdi.
Budan bólek, kóptegen otbasynda balalar ósip keledi. Al mektepte oryn jetkiliksiz.
«Kelesi jylǵa josparlaý úshin jobalyq-smetalyq qujattamany daıyndaý qajet. Aıtqan usynystaryńyz eskeriletin bolady. Máselelerdi jan-jaqty zertteımiz», - dedi A. Kólginov.
Áskerı bólimniń aýmaǵynda úsh kazarma, shtab ǵımaraty, kúres jáne jattyǵý zaldary bar eki qabatty sport kesheni, eki ashana, oıyn-sporttyq alańdar, mýltımedııalyq atý tıri ornalasqan. Sondaı-aq lazaret, kınologııalyq qalashyq jáne mádenı-saýyq ortalyǵy bar.
