Kólge demalýǵa barǵan amerıkalyqtar jasy 3 mıllıon jyldyq janýardyń qańqasyn tapty
ASTANA. QazAqparat - AQSh-taǵy Nıý-Meksıko shtatynda kól jaǵalaýynda demalyp jatqan alty amerıkalyq azamat ejelgi janýardyń súıegin taýyp aldy.
Ol 3 mıllıonnan astam jyl buryn tirshilik etken bolyp shyqty, dep habarlady Discovery News.
Ózderi toqtaǵan jerden azamattar súıekke uqsas birdeńe taýyp alǵan. Qazyp alsa, qańqa minsiz saqtalǵan pilge uqsas janýardyń bas súıegi bolyp shyqqan.
Olar ejelgi mamonttyń súıegin taptyq dep oılaǵan. Dereý sýretke túsirip, jergilikti murajaıǵa jibergen. Zertteý nátıjesinde álgi mamonttyń emes, odan da erte zamanǵy janýardyń qańqasy ekeni anyqtaldy. Mamandar stegomastodonnyń bas súıegi dep otyr. Buny ejelgi pil tumsyqty janýar - mamonttardyń tarıhqa deıingi arǵy tegi deýge bolady.
Ǵalymdar jerden salmaǵy 450 keliden astam bas súıekti qazyp alyp, murajaıǵa tapsyrdy.
