Kólge balyq aýlaýǵa ketken er adam eki kúnnen beri tabylmaı jatyr - SQO
PETROPAVL. QazAqparat – Soltústik Qazaqstan oblysy Mamlıýt aýdanynda kólge qaıyǵymen shyqqan balyqshy iz-túzsiz joǵalyp, ony qutqarýshylar eki kúnen beri taba almaı jatyr, dep habarlaıdy QazAqparat tilshisi.
SQO Tótenshe jaǵdaılar departamenti ótkizgen brıfıngte vedomstvo basshysynyń orynbasary Igor Jýkov bolǵan oqıǵany aıtyp berdi.
«Oqys oqıǵa 31 qazan kúni boldy. 1963 jylǵy er adam 5 synypta oqıtyn
nemeresimen Mamlıýt aýdanyndaǵy Chıstoe kóline barǵan. Saǵat 19.00 shamasynda qaıyǵymen kólge shyqqan. Al saǵat 21.30 shamasynda jaqyn mańda júrgen balyqshylar onyń sý betinde bos qalqyp turǵan qaıyǵyn tapqan. Qaıyq aýdarylmaǵan. Olar birden bizge habar berdi», - deıdi Igor Jýkov.
Erteńine, 1 qarasha kúni tań atysymen kólge súńgýirler tústi. Ázirge nátıje joq.
«Іzdeý aýmaǵy úlken. Qaıyq ıesi qulap ketip, qaıyq tolqynmen qulaǵan jerden jyljyp ketýi múmkin. Biraq er adamnyń sýǵa qulaǵanyn eshkim kórmegen», - deıdi departament basshysynyń orynbasary.
