Qolǵa alynǵan jańa tehnologııanyń kómegimen 2013 jylǵa qaraı ana men bala ólim-jitimin 1,5 esege azaıtý kózdelip otyr
ASTANA. 11 qańtar. QazAqparat - 2011 jyly elimizde ana men balany kútýdiń halyqaralyq tehnologııalaryn engizýdi úılestirý jónindegi respýblıkalyq jáne óńirlik ortalyqtar uıymdastyryldy.
Mundaı ortalyqtardyń jumysy ana men bala ólim-jitimin 2013 jylǵa qaraı 1,5 esege azaıtýǵa múmkindik beredi. Bul týraly QR Densaýlyq saqtaý mınıstrliginiń baspasóz qyzmetinen habarlady.
Búgingi tańda Qazaqstanda Balalyq jastaǵy syrqattardy ıntegraldy júrgizý jónindegi úılestirý ortalyǵy Almaty qalasyndaǵy Densaýlyq saqtaý mınıstrliginiń Pedıatrııa jáne bala hırýrgııasy ǵylymı ortalyǵy, Perınataldyq kómekti tıimdi úılestirý ortalyǵy jáne Astanadaǵy Ana men bala ulttyq ǵylymı ortalyǵy bazasynda jumys isteýde. Atalǵan ortalyqtar medıtsına qyzmetkerleriniń úzdiksiz kásibı bilim alýy, Dúnıejúzilik densaýlyq saqtaý uıymy usynǵan perınataldyq tıimdi tehnologııalardy, 5 jasqa deıingi deni saý jáne aýrý balalardy baqylaý standarttaryn tájirıbelik jumysqa engizý maqsatynda uıymdastyryldy. Mundaı ortalyqtar jumysy 2013 jylǵa qaraı ana jáne bala ólim-jitimin 1,5 esege deıin tómendetýge múmkindik beredi.
Qazirgi kezde elimizdiń barlyq 16 aımaǵynda óńirlik ortalyqtar qurylǵan. 2011 jyly balalyq jastaǵy syrqattardy ıntegraldy júrgizý baǵdarlamasy boıynsha 2,5 myńdaı pedıatr, 600-den astam jalpy tájirıbe dárigeri, balalar medıtsınalyq uıymdarynyń 546 bas dárigeri, 1 myń 300-deı feldsher jáne 4 myńnan astam medbıke bilimderin tolyqtyrdy. 170 óńirlik jattyqtyrýshy daıarlandy.
Balalyq jastaǵy syrqattardy ıntegraldy júrgizý óńirlik ortalyqtary mamandardyń kompıýterlik oqýy jáne óz betinshe oqýyna qajetti qural-jabdyqtarmen qamtamasyz etildi. Sonymen qatar, ulttyq jattyqtyrýshylar Dúnıejúzilik densaýlyq saqtaý uıymynyń halyqaralyq sarapshylarymen birlesip, 400-den astam mamandy oqytty. Al óńirlik ortalyqtarda tıimdi perınataldyq kómek kórsetý boıynsha 7 myńǵa jýyq medbıke bilimderin shyńdady.
