Kolesa arqyly aılasyn asyrǵan alaıaq Serbııadan elge jetkizildi

ASTANA. KAZINFORM — Búgin alaıaqtyq isimen izdeýde bolǵan 45 jastaǵy kúdikti Qazaqstanǵa ekstradıtsııalandy.

— ІІM Interpol Ulttyq ortalyq bıýrosynyń suraýymen 2023 jyldyń qyrkúıek aıynda úlken kólemdegi alaıaqtyq jasaǵany úshin halyqaralyq izdeýge jarııalanǵan er adam Serbııada ustaldy. Búgin 45 jastaǵy qaskóı Bas prokýratýramen Qazaqstanǵa ekstradıtsııalandy. 2017 jyly ol Kolesa.kz saıtynda qoljetimdi baǵada arnaıy tehnıka satatyny týraly habarlandyrý jarııalap, el turǵynyn aldap soqqan. Azamat onymen kelisimshart jasasyp, 43 mln teńgeden astam aqshasyn aýdarǵan, — delingen ІІM habarlamasynda.

Eske salsaq, osyǵan deıin BQO-da alaıaq eki aǵaıyndyny 5 mln teńgege aldap ketkenin jazdyq.

Sonymen qatar, Shymkentte jalǵan qujat jasap, alaıaqtyqpen aınalysqan kúdikti izdestirilip jatqanyn habarladyq.