Kóleńkesi jerge túspeıtin záýlim ǵımaratty kóretin de kún jaqyn
ASTANA. QazAqparat - Sáýletshiler «eles» dep atap júrgen Londondaǵy bul ınnovatsııalyq ǵımarattan jerge kóleńke túspeıdi. Qurylystyń eki munarasy bolady.
Olardyń biri kún sáýlesin ekinshi munara túsirip turǵan kóleńkege baǵyttap, shaǵylystyrady. Sebebi alǵashqy munara qısaıǵan zor aına ispettes bolyp salynady. Onyń erekshe pishininiń arqasynda shaǵylysqan kún sáýlesi kóleńke izinen kúni boıy ilesip otyrady. Sol arqyly ǵımarat aınalasyndaǵy kóleńke 60%-ǵa qysqarady. Záýlim ǵımarattyń jobasyn NBBJ kompanııasy jasaǵan, dep habarlaıdy 24.kz. Munaralar Grınvıch túbegine arnalǵan. Qurylys kezinde qoldanylatyn tehnologııa qaýipsizdikti kóbirek qamtamasyz etedi. Osyǵan deıin Walkie Talkie ǵımaratyna túsip shaǵylysqan kún sáýlesiniń ystyǵy onyń janynda turǵan Jaguar kóliginiń jekelegen bólikterin balqytyp jibergen edi. «Al «eles» ǵımarattyń mańyna kóligińizdi qoısańyz mundaı jaǵdaı bolmaıdy», - deıdi arhıtektorlar.
