Kóleńkeli ekonomıkany joıý úshin ne isteý kerek

NUR-SULTAN. QazAqparat –«Atameken» UKP basqarma tóraǵasy Abylaı Myrzahmetov kóleńkeli ekonomıkamen kúres sharalaryn aıtty, dep habarlaıdy QazAqparat tilshisi.

«Kóleńkeli ekonomıkany joıý úshin qolma-qol qarajatty toqtatý kerek. Barlyǵy banktik esepshoty arqyly júrgizilip, tutynýshy men kásipker arasyndaǵy qarym-qatynas turǵysynda kartalyq nemese tsıfrlyq júıege kóshýi qajet. Sondyqtan bul turǵyda Ulttyq banktiń de sheshimi qabyldandy», - dedi ol Ortalyq kommýnıkatsııalar qyzmetinde.

Onyń sózine qaraǵanda, tsıfrlandyrý salasy kóleńkeli ekonomıkaǵa tosqaýyl qoıýǵa yqpal etedi.

«Bul baǵyttaǵy Úkimettiń josparyn qoldaımyz. Biz de kásipkerlerdiń tolyq tsıfrlyq tizimine kóship jatyrmyz. Qazan aıynyń aıaǵynda sezd ótip, onda naqty sharalardy tynystyramyz», - dedi A. Myrzahmetov.

Budan buryn habarlanǵandaı, kóleńkeli ekonomıka negizinen saýda salasynda qamtylǵan.