«Kóleńkeli ekonomıka» máseleleri boıynsha vedomstvoaralyq jumys toby quryldy
ASTANA. 17 qyrkúıek. QazAqparat - Jalǵan kásipkerlik máseleleri boıynsha vedomsvtoaralyq jumys toby quryldy. Bul týraly búgin QR Prezıdenti janyndaǵy Ortalyq kommýnıkatsııalar ortalyǵynda ótken baspasóz máslıhatynda QR Qarjy mınıstrligi Salyq komıtetiniń tóraǵasy Ánýar Jumadildáev málim etti.
«Salyq tóleýden jaltarýdyń, «qolma-qol aqsha operatsııalary» men jalǵan kásipkerliktiń jolyn kesý jáne eskertý maqsatynda birlesken jumys nátıjesinde qoldanystaǵy zańnamaǵa ózgerister engizildi. Aǵymdaǵy jyly zańnamany jetildirý jumystary jalǵasýda. QR Parlament depýtattarynyń, Joǵarǵy sot, QR Bas prokýratýrasy men Ádilet mınıstrliginiń qatysýymen jalǵan kásipkerlik máseleleri boıynsha vedomstvoaralyq jumys toby quryldy», - dedi komıtet basshysy.
Onyń aıtýyna qaraǵanda, 2012 jyly jalǵan kásiporyn belgileri bar 352 zańdy tulǵaǵa qatysty aqparat berildi. Nátıjesinde Qarjy polıtsııasy 235 zańdy tulǵaǵa, ıaǵnı onyń 67 paıyzyna qatysty is júrgizý sheshimin qabyldady.
