Kóleńkeli ekonomıka qarapaıym azamattardyń qaltasyn qaǵyp jatyr

NUR-SULTAN. QazAqparat – Prezıdent Qasym-Jomart Toqaev Úkimetke Bas prokýratýramen birge bazar ıeleriniń jaýapkershiligin kúsheıtýdi tapsyrdy, dep habarlaıdy QazAqparat tilshisi.

«Saýda salasynda tártip ornatý óte mańyzdy. Kóleńkeli ekonomıkanyń eń joǵary deńgeıleriniń biri osy salada. Alypsatarlyq faktileri, tapshylyqty qoldan jasaý – zańsyzdyqtardyń tolyq tizimi munymen shektelmeıdi. Munyń bári taýarlardyń qunyna ústemelenip, azamattar tólep jatyr», - dedi Prezıdent.

Prezıdent bul máseleni Bas prokýratýranyń baqylaýyna tapsyrdy.

«Úkimetke Bas prokýratýramen birge bazar ıelerin baǵany ustaý, adal básekelistikti saqtaý, saýdagerlerdiń múddesin saýda alańdary ákimshilikteriniń zańǵa qaıshy áreketterinen qorǵaý boıynsha jaýapkershiligin arttyrý sharalaryn kúsheıtý qajet», - dedi Qasym-Jomart Toqaev.

Aıta keteıik, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.