Kólde syrǵanaǵan boıjetken rejimdi nysannyń shekarasyn buzbaǵan - QR ІІM
Quzyrly organ ókilderiniń aıtýynsha, promo-vıdeo týrıster arasynda Qazaqstannyń tanymaldyǵyn arttyratyn qural bolyp otyr.
Al vıdeo keıipkeri rejimdi nysannyń shekarasyn buzbaǵan. Sondyqtan, ol eshqandaı jaýapkershilikke tartylmaıdy.
«Bul jergilikti organdarmen aqyldasa kele týrıstik tanymaldylyqty arttyrý úshin túsirilgen vıdeo dep oıladym. Іshki Іster organdary Úlken Almaty kóliniń basyndaǵy bógettik janynan bir beketti baqylaýǵa alǵan bolatyn. Sý qoımasynyń ózin kúzetý bizdiń quzyrymyzǵa kirmeıdi. 2018 jyldyń 1qarashasynan bastap Іshki ister organdary bul nysandy kúzetýden múlde alynyp tastaldy», - dedi QR ІІM resmı ókili Almas Sádýbaev.
Aıta ketý kerek, Úlken Almaty kólinde mánerlep syrǵanaǵan Ksenııa Pankartovanyń vıdeosy áleýmettik jelide tarap ketti.
Bul beınerolıkti 2 apta ishinde 1 mıllıon adam kórgen.
Áleýmettik jeli qoldanýshylarynyń kópshiligi boıjetkenniń bıi men syrǵanaý mánerine tań qalysty. Keıbireýler bul vıdeonyń Kanada kólderinde, Sibirdegi Baıkal kólinde túsirilgen dep topshylaǵan. Al qoldanýshylardyń birqatary bul vıdeony zańǵa qaıshy dep tapty. «Úlken Almaty kóli qalanyń aýyz sýy rezervýary bolyp tabylady. Bul qyz qalaısha sony taptap, ústinde júr. Shekara qyzmetkerleri, qaraýyldar qaıda? Biz endi osy sýdy ishemiz be?», degen ashýly kommentarııler qaldyrdy.
21 jastaǵy mánerlep syrǵanaýshy qyz Ksenııa Pankratova men qurbylary 24 qarasha kúni Almaarasan shatqalyna demalýǵa barǵan. Qyzdar Úlken Almaty kólinde adam kóp jınalǵanyn baıqap, sol jaqqa qaraı bet alady.
Olar Úlken Almaty kóline barýǵa bolmaıtynyn bilmegen.
«Biz barǵanda kúzet joq bolatyn. Joǵarydan qarap turǵanda konkıi bar adamdardyń syrǵanap júrgenin baıqadym. Adamdar kóldiń betinde jaıbaraqat qydyryp júrdi. «Kólge barýǵa ruqsat bar ma?» dep suraǵanymyzda, bireýler qysta ǵana bolatynyn aıtty. Kólge barýǵa bolmaıdy degen meniń oıyma kirip-shyqqan joq. Men konkı kıip, shetimen júrip kórdim. Muzdyń qalyńdyǵyn shamamen baıqadym. Eger oǵan kózim jetpese, syrǵanamas edim», - deıdi Ksenııa.
Áleýmettik jeli qoldanýshylarynyń kópshiligi boıjetkenniń bıi men syrǵanaý mánerine tań qalysty. Tipti Amerıkalyq shoý ókilderi Ksenııaǵa habarlasyp, vıdeosyn paıdalanýǵa ruqsat suraǵan.
