Kólde muz jarý jumystaryna baılanysty kókshetaýlyqtarǵa eskertý jasaldy
KÓKShETAÝ. QazAqparat - Kókshetaýda Qylshaqty ózeniniń Qopa kóline quıar tusynda muz jarý jumystary júrgiziledi, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.
«Naýryzdyń 25-de sý tasqynyna qarsy is-sharalar aıasynda Qylshaqty ózeniniń Qopa kóline quıar tusynda, jaıaý júrginshiler kópiri (Zastantsıonnyı kenti jaǵyndaǵy kópir mańynda) mańynda muz jarý jumystary júrgiziledi. Osyǵan baılanysty qala turǵyndarynan tynyshtyq saqtaýdy suraımyz, alańdaýǵa negiz joq», - delingen Aqmola oblystyq TJD baspasóz qyzmetiniń habarlamasynda.
Sonymen birge, TJD qyzmetkerleri turǵyndardy kórineý jalǵan aqparat taratpaýǵa shaqyrady.
«Kórineý jalǵan aqparat taratqany úshin Qylmystyq kodekstiń 274-babyna sáıkes qylmystyq jaýapkershilik kózdelgenin eske salamyz», - dep tolyqtyrdy vedomstvodan.
