Kólde qaıyqpen júzip júrgen 35 jastaǵy Qostanaı turǵyny sýǵa batyp ketti
QOSTANAI. QazAqparat - Qostanaı oblysynyń turǵyny qaıyqpen júzý kezinde sýǵa batyp ketti, dep habarlaıdy QazAqparat oblystyq TJD baspasóz qyzmetine silteme jasap.
24 tamyz tańǵy jetide TJD jedel-qutqarý jasaǵynyń qyzmetkerleri Qostanaı aýdanyndaǵy Koshevıtskoe kólinen 1988 jyly týǵan er adamnyń denesin taýyp, sýdan shyǵaryp aldy.
21 tamyz saǵat 18:30 shamasynda ol «Mıraj» motorly plastık qaıyǵyna minip bara jatqanda sýǵa batyp ketken.
Shomylý maýsymy aıaqtalýǵa jaqyn. Qostanaılyq qutqarýshylar halyqqa sý aıdynyna barmaýdy usynady.
Túnde sý +10 gradýsqa deıin salqyndaıtyndyqtan kúndiz ol qajetti +18 +20 gradýsqa deıin jylynyp úlgermeıdi.
Qazir Tobyldaǵy sýdyń temperatýrasy +13 + 15 gradýs aralyǵynda.
«Salqyn sýǵa shomylý kóbine gıpotermııaǵa ákeledi, aıaqtyń tómengi bóligi qurysyp qalýy múmkin, saldarynan demalýshylardyń ómirine qaýip tónedi» dep eskertedi qutqarýshylar.
