«Qoldaý»: Jeke tulǵanyń bankrottyǵy týraly jańa aqparattyq júıe iske qosyldy
ASTANA. KAZINFORM – «Qoldaý» atty jeke tulǵalardyń bankrottyǵy týraly jańa aqparattyq júıe iske qosyldy. Bul týraly OKQ alańynda Memlekettik kirister komıteti tóraǵasynyń orynbasary Seıiljan Ahmetov aıtty.
«Jeke tulǵalardyń bankrottyǵy týraly jańa «Qoldaý» aqparattyq júıesi iske qosyldy. Júıe 24 memlekettik organ men uıymnyń derekter bazasy arqyly ótinish berý jáne ótinish berýshiniń kirý krıterıılerine sáıkestigin avtomatty túrde tekserý múmkindigin qamtamasyz etedi. Ótinish berýshi ótinishtiń statýsy men ýákiletti organnyń sheshimin osy júıede kóre alady. Sondaı-aq, bas tartý sebebin jáne ol boıynsha tıisti organdar usynǵan aqparatty kóredi. Bul bolashaqta onyń derekterdi túzetý úshin, sol nemese basqa organǵa habarlasý úshin óte yńǵaıly», - dedi Seıiljan Ahmetov.
Sonymen qatar, Qoldau júıesinde kez kelgen adam naqty ýaqyt rejıminde jeke tulǵalardyń bankrottyǵy týraly statıstıkalyq derekterdi kóre alady.
Aıta keteıik, 2023 jyldyń 3 naýryzynda elimizde jeke tulǵalardyń bankrottyǵyn rásimdeýge ótinish qabyldaý bastaldy.
Buǵan deıin 2023 jyldyń 3 naýryzynan beri elimizde 17,9 myń azamat bankrot dep tanylǵany týraly jazǵan edik.
