Qoldarynda súımenderi bar qaraqshylar eki zeınetker áıeldiń tegeýrinine tótep bere almady
ASTANA. QazAqparat - Astrahanda ofıstik ǵımaratta qaraýyl eki zeınetker urlyqtyń aldyn aldy, dep habarlaıdy TASS oblystyq ІІM basqarmasynyń baspasóz qyzmetine silteme jasap.
Babýshkına kóshesindegi 68 úıge tún jamylyp 5 adam kirgen. Qaraýyl áıelder osyndaǵy ofısterdiń birinen bógde dybys estigen. Bóten adamdardy kórgen olar qoryqpaı qarsy umtylyp, baýkespelerdiń aram oılaryn júzege asyrýlaryna bóget jasady,-delingen baspasóz qyzmetiniń habarlamasynda.
Betterin tumshalaǵan, qoldarynda temir súımenderi bar urylar qashýǵa májbúr bolǵan. Zeınetkerlerdiń biri qaraqshynyń betin ońdyrmaı tyrnap ta alypty. Qazirgi ýaqytta polıtsııa qylmyskerlerdi izdestirip, mamandar kelgen shyǵyn mólsherin anyqtaýda.
