Qoldanystaǵydan 3 myń ese shapshań ǵalamtor paıda boldy
ASTANA. 14 shilde. QazAqparat - Izraıl men AQSh ǵalymdary birlesip, óte jyldam ǵalamtor oılap tapty. Eger bul tehnologııa kúndelikti ómirge enetin bolsa, ǵalamdyq jelimen sekýndyna 2,5 terabıt aqparat almasýǵa múmkindik týady.
News.ge portalynyń habarlaýynsha, Tel-Avıv jáne NASA aeroǵarysh agenttiginiń Ońtústik Kalıfornııa ýnıversıtetteri ǵalymdary ınternettiń symsyz jelisiniń shamadan tys jyldam tehnologııasyn jasap shyǵardy. Ol aqparat almasýdyń jyldamdyǵyn qazirgiden 3000 esege arttyryp otyr. Mundaı shapshańdyqpen ǵalamdyq jeliden Blu-ray standartyndaǵy fılmderdi bir sekýndta-aq júktep alýǵa bolady. Demek, sol qas-qaǵym sátte myńdaǵan qujat pen málimetter almasyp jatady degen sóz. Buǵan qosa, jańa tehnologııa boıynsha bir emes, birneshe arnamen aqparat almasý múmkin bolyp otyr.
Alash aınasy
