Qoldanystaǵy zańnamalyq aktilerge ózgerister qajet – Abzal Quspan
«Jumysymyz barysynda qoldanystaǵy zańnamalyq aktilerge ózgerister qajet etetinin de túsindik. Sol sebepti aldaǵy aptada Parlament depýtattarymen de kezdesýdi josparlap otyrmyz. ıAǵnı, biz jekelegen adamdardy qorǵap, olarǵa qoldanylǵan basty bultartaý sharasyn ózgertý jumystarynan júıeli jumystarǵa kóshý baǵytyna yńǵaılanyp otyrmyz»,- dedi Abzal Quspan BAQ ókilderine arnalǵan brıfıng barysynda.
Onyń atap ótýinshe, komıssııa músheleri keshe Memlekettik hatshy Erlan Qarınmen kezdesý barysynda zańnamalyq aktilerge ózgerister engizý týraly usynystaryn jetkizgen.
«Ol óz tarapynan qarastyryp jatyr. Bul jumysty Parlament depýtattarymen talqylaýǵa usyndy. Aldaǵy aptada osy jumystardy atqarmaqpyz. Komıssııanyń jumysy munymen aıaqtaldy degendi bildirmeıdi. Áli de atqaratyn jumys kóp. Kóptegen saraptamalyq materıaldar daıyndadyq. Bas prokýratýra men Prezıdent ákimshiligine joldadyq. Osy baǵytta jumysymyzdy jalǵastyra beremiz», - dedi komıssııa tóraǵasy.
