Qoldanystaǵy vaktsınalar koronavırýstyń mýtatsııaǵa ushyraǵan túrlerine qanshalyqty qaýqarly

NUR-SULTAN. QazAqparat – Qoldanystaǵy vaktsınalardyń koronavırýstyń jańa mýtatsııalanǵan túrlerine qarsy tıimdiligi qandaı? Bul saýalǵa medıtsına ǵylymdarynyń doktory Botagóz Káýkenova jaýap berdi, dep habarlaıdy QazAqparat tilshisi.

«Olardy jeke shtamm dep qarastyratyndaı jáne soǵan baılanysty alańdaıtyndaı mýtatsııalaný oryn ala qoıǵan joq. ıAǵnı, olardyń túpki vırýstan aıyrmashylyǵy bar. Biraq, túbegeıli ózgeriske ushyramaǵan. Demek, ony qandaı da bir jeke aýrý dep qarastyrý nemese oǵan jeke vaktsına ázirleý qajettiligi týyndaǵan emes», - dedi Botagóz Káýkenova «Experts Hub Kazakhstan» jobasy sarapshylarymen ótken dóńgelek ústel barysynda.

Onyń atap ótýinshe, búginde álem ǵalymdary aldyn ala saqtyq jasap, vaktsınalaryn koronavırýs ınfektsııasynyń mýtatsııalanǵan túrlerine synap ta jatyr.

«Bizde ázirshe olardyń jumys istep jatqandyǵy týraly ǵana aqparat bar», - dedi medıtsına ǵylymynyń doktory.

Aıta keteıik, osy shara barysynda medıtsına ǵylymdarynyń doktory Lázzat Eralıeva COVID-19-ǵa qarsy qazaqstandyq jáne qytaılyq vaktsınalardyń bir-birinen aıyrmashylyǵy nede ekendigin aıtqan bolatyn.