Qoldanystaǵy ekpeler vırýstyń barlyq nusqasyna qarsy tıimdi – DDSU

NUR-SULTAN. QazAqparat – Ispanııa koronavırýstan vaktsına alǵandarǵa beriletin elektrondy sertıfıkat engizedi. Dúnıejúzilik densaýlyq saqtaý uıymy qoldanystaǵy ekpeler ázirge «vırýstyń barlyq nusqasyna» qarsy tura alatynyn málimdedi, dep habarlaıdy QazAqparat.

Qazirgi ýaqytta qol jetimdi jáne maquldanǵan ekpeler áázirge «vırýstyń barlyq nusqasyna» qarsy tıimdi, dep málimdedi beısenbide Dúnıejúzilik densaýlyq saqtaý uıymy (DDSU). Sondaı-aq uıym Covid-19 jaǵdaıynda «abaılap» áreket etýdi jalǵastyrýǵa shaqyryp otyr.

Eýropadaǵy jaǵdaı jaqsarsa, «únemi qaýip tóndirýi múmkin jáne jańa belgisiz jaǵdaıǵa ákep soqtyratyn « halyqaralyq saparlardan aýlaq bolý kerek. Bul, ásirese, Úndistanda alǵash ret tirkelgen, biraq óńirdegi elderdiń jartysyna tarap úlgergen jańa nusqaǵa qatysty«, - dep eskertti DDSU Eýropalyq óńirlik bıýrosynyń dırektory Hans Klýge.

«Qazirgi ýaqytta qoljetimdi vaktsınalar tórt shtamnyń barlyǵyna da áser etedi dep aıta alamyz. Alaıda indetke qarsy kúresýdiń eń tıimdi amaly vaktsınatsııa qarqynyn arttyra otyryp, úsh negizgi talapty ustaný: maska taǵý, qaýipsiz qashyqtyqty saqtaý, qol jýý», - dedi Klýge.

Frantsııada kóptegen adamdar úshin pandemııanyń eń jaǵymsyz saldarynyń biri dámhana terrasasynda bir kese kofe ishý múmkindiginen aıyrylý boldy. Biraq qazir elde vaktsınatsııa sátti ótkizilýde, naýqastardyń sany azaıyp keledi. Sol sebepti bul shekteýdi de basqalarymen qatar alyp tastaýǵa bolady.

Dámhanalar men meıramhanalarda jumysty qaıta jandandyrýǵa daıyndyq birneshe kún buryn bastaldy. Meıramhana ıeleriniń biri Alen Fonten bul týraly bylaı deıdi: «Men kóptegen qıyndyqtardyń oryn alatynyn bilemin. Barlyq shekteýler áli óz kúshin joıǵan joq. Eń bastysy – bizdiń ashylatyndyǵymyz. Birinshi kezeńde birqatar shekteý saqtalatyndyqtan, terrasalardyń tek jartysyn ǵana toltyrýǵa ruqsat etilgen. Al jalpy ústelge 6 adamnan artyq otyrýǵa bolmaıdy. Komendanttyq saǵat keshki 7-den 9-ǵa aýystyrylady. Shekteýler birtindep jeńildetilýde.

Ispanııada Fitur halyqaralyq týrıstik jármeńkesinde vaktsınatsııa týraly elektrondy sertıfıkat tanystyryldy. Ol jospar boıynsha Ispanııada 1 shildeden bastap engiziledi jáne Eýropalyq odaqtyń búkil aýmaǵynda kúshinde bolady.

Densaýlyq saqtaý mınıstri Karolına Darıas sertıfıkattyń QR kod arqyly jumys isteıdigin málimdedi. Elektrondy sertıfıkat adamnyń vaktsınatsııadan ótýi, PTR-test tapsyrýy nemese koronavırýstan aýyrǵany týraly derekterdi kórsetedi.