Qoldanystaǵy 63 seısmıkalyq stantsııanyń jabdyqtary tozǵan - TJM
ASTANA. QazAqparat – «Azamattyq qorǵaý salasyndaǵy 2023-2027 jyldarǵa arnalǵan birinshi kezektegi sharalardyń keshendi josparynda» eldegi seısmıkalyq stantsııalardyń jaǵdaıy kórsetilgen, dep habarlaıdy QazAqparat tilshisi.
«Búgingi tańda jumys istep turǵan 63 seısmıkalyq stantsııada jabdyqtyń negizgi bóligi moraldyq jáne fızıkalyq turǵydan eskirgen. Jabdyqtardyń bolmaýyna baılanysty 6 seısmıkalyq stantsııa saqtaldy, al 30-y jańǵyrtýdy qajet etedi. Materıaldyq-tehnıkalyq jaraqtandyrý tıesililik normasynyń 25%-yn alady», - dep másele kóterilgen qujatta.
Al, halyqty tehnıkalyq qulaqtandyrý úshin qajetti quraldar jalpy qajettiliktiń 40,9%-yn ǵana alady.
«TJM bólimsheleriniń qaramaǵynda 1 615 dabyldyq qurylǵylaryn ortalyqtandyrylǵan iske qosý jáne dybystyq habarlamalardy taratý múmkindigi bar 63 basqarý pýlti bar. Halyqty qulaqtandyrýdyń mobıldi keshenderi elimizdiń 20 óńiriniń 16-synda ǵana qoldanylady. Tsıfrlyq baılanys quraldarymen jaraqtandyrý jalpy qajettiliktiń 40,2%-ǵa jetedi», - dep jazylǵan keshendi josparda.
Osy máleselerdi sheshý úshin 5 jyldyq keshendi jospar bekitildi.
