Qoldanystaǵy 15 kodeks pen 125 zańǵa ózgerister men tolyqtyrýlar engiziledi - N. Sabılıanov
ASTANA. QazAqparat - Qoldanystaǵy 15 kodeks pen 125 zańǵa ózgerister men tolyqtyrýlar engiziledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty, «Nur Otan» partııasy parlamenttik fraktsııasynyń múshesi Nurtaı Sabılıanov málim etti.
Onyń aıtýynsha, Parlament Májilisi 4-sessııasynyń birinshi otyrysynda depýtattar shuǵyl dep jarııalanǵan eki zań jobasyn jumysqa qabyldady. Olar memlekettik basqarý deńgeıleri arasyndaǵy ókilettikterdiń arajigin ajyratý máselelerin kózdeıdi. Soǵan sáıkes qoldanystaǵy 15 kodeks pen 125 zańǵa ózgerister men tolyqtyrýlar engiziledi.
«Atalǵan zań jobalary Parlament Májilisiniń erteńgi plenarlyq otyrysynda birinshi oqylymda qaralatyn bolady», - dep atap ótti depýtat.
