Qoldanatyn sý úshin qalaı artyq tólemeýge bolady
ALMATY. KAZINFORM — «Almaty sý» mekemesiniń mamandary sý úshin artyq kommýnaldyq tólem jasamaýdyń joldaryn túsindirdi.
Mamandar keńesi boıynsha aqsha únemdeýdiń basty ádisi — úıdegi sý esepteýishteriniń durys jumys isteýin tekserý qajet. Eger esepteýishtiń tekserý merzimi ótip ketse, tólem naqty tutynylǵan sý kólemine qaramastan, tirkelgen árbir adam úshin belgilengen norma boıynsha esepteledi. Bul áldeqaıda qymbatqa túsýi múmkin.
Sebebi sýmen jabdyqtaý jáne sý burý qyzmetteri úshin tólemderdiń durys eseptelýi sý eseptegish quraldarynyń jaramdylyǵyna jáne kórsetkishteriniń dáldigine baılanysty.
— Al eger siz jaqynda páter satyp alsańyz, kelisimshartty óz atyńyzǵa qaıta jasaý qajet. «Almaty Sý» kommýnaldyq tólemderdi óz múddeńiz úshin ýaqytyly tóleýdi suraıdy. Óıtkeni qaryz jınalyp qalsa, júıe isti avtomatty túrde notarıýstar men sot oryndaýshylaryna beredi. Al olardyń qyzmeti men memlekettik baj salyǵyn qaryz bolǵan turǵyn óz qaltasynan tóleýge mindetti, — deıdi mekeme mamandary.
Eske salaıyq, Almatyda 1 qazannan bastap sý tarıfteri ózgerdi. Jeke tulǵalar úshin sýmen jabdyqtaý tarıfi qosylǵan qun salyǵyn qosa alǵanda, tekshe metrine 178,06 teńge, al sý burý tarıfi 119,46 teńge boldy. Sý eseptegish quraldary joq tutynýshylar úshin sýyq sýdy burý aqysy bir adamǵa aıyna 1 791,85 teńge, ystyq sýdy burý aqysy — 376,29 teńge.
Keıin jaýapty mamandar Almatyda sý men káriz tarıfteri nelikten ózgerip jatqanyn túsindirdi.
