«Qoldan jasalǵan shıelenister eldiń ekonomıkasyna nuqsan keltirip qoımaı, adamdardyń bılik ınstıtýttaryna degen senimin joǵaltady» - respýblıkalyq basylymdarǵa sholý
***
Keshe Memleket basshysy Nursultan Nazarbaev elordadaǵy Nazarbaev Ýnıversıtetine keldi. Prezıdent stýdenttermen, oqytýshylyq-professorlar quramymen, ǵalymdarmen, oqý ordasynyń qyzmetkerlerimen kezdesip, ýnıversıtettiń ǵylymı-zertteý zerthanalary men kitaphanasyn aralap shyqty. Osyǵan oraı «Egemen Qazaqstan» gazetinde «Jańa talapqa saı oqý orny» degen taqyryppen maqala basyldy. Bilim ordasynan aralap shyqqannan keıin jýrnalısterge arnalǵan brıfıng kezinde Elbasy: «Nazarbaev Ýnıversıteti múldem jańasha talapqa sáıkes jumys isteıdi. Bul oqý ordasynda álemniń ár túkpirinen kelgen professorlar men oqytýshylar sabaq beredi. Eger de barlyǵyn túsindiretin bolsaq, biz jastardy shet elderge shyǵaryp oqytýdan bastaǵanymyz durys boldy. Sonyń bir aıǵaǵy, Nazarbaev Ýnıversıtetindegi 100-den astam professor men oqytýshy «Bolashaq» baǵdarlamasymen dúnıe júziniń ýnıversıtetterinde bilim alyp kelgender. Qazirgi tańda jastardy oqytyp jatqan, mine, solar», - dedi.
«Keshe Senattyń kezekti otyrysy bolyp, ony palata Tóraǵasy Qaırat Mámı ashyp, júrgizip otyrdy. Palata bıýrosy usynǵan másele tórteý bolsa, olar Qorǵanys mınıstrligi tarapynan ázirlenip, Májilis maquldap Senatqa usynǵan tórt zań jobasy edi», - dep jazady «Egemen Qazaqstan» gazeti búgingi sanyndaǵy «Ujymdyq qaýipsizdik úshin qajet» degen taqyryptaǵy maqalasynda. Basylymnyń atap ótýinshe, kún tártibi bekitilgen soń uqsas bolýy sebepti barlyq zań jobalary týraly baıandamany Qorǵanys mınıstriniń orynbasary Talǵat Janjúmenov jasady. Alǵashqy zań jobasy «Ujymdyq qaýipsizdik týraly shart uıymy ujymdyq qaýipsizdik júıesiniń kúshteri men quraldary quralymdarynyń mártebesi týraly kelisimdi ratıfıkatsııalaý týraly» boldy. Tolyǵyraq basylymnyń búgingi sanynan bile alasyzdar.
***
«Úkimetttiń birinshi vıtse-premeri Serik Ahmetov sý alǵan aýyldardy aralady», - dep jazady «Aıqyn» gazeti. Basylymnyń alǵa tartqan sońǵy málimetterine sáıkes Ońtústik Qazaqstan oblysynda sý tasqyny bastalǵaly 3300 adam óz úılerinen kóshirdi. Uzyndyǵy 1420 metrden astam bógetter turǵyzyldy. Topyraq salynǵan 21 myńnan astam qaptan kedergiler salyndy. 35 000 tekshe metrden astam sý basqan úıler men aýlalardan qar sýy soryp alyndy. Uzyndyǵy 5600 metrden astam sý ótkizý qurylǵylary tereńdetildi. Tolyǵyraq «Sý alǵan aýyldy aralady» degen taqyryptaǵy maqalada baıandalǵan.
«Aıqyn» gazetiniń jazýynsha, fýtboldan Qazaqstan ulttyq quramasy jańa maýsymdaǵy alǵashqy kezdesýin teń aıaqtady. Cheh mamany Mıroslav Beranek jattyqtyratyn komandamyz joldastyq báseke aıasynda Latvııa quramasyna qarsy turǵan edi. Bul kezdesý Túrkııa jerinde ótti. Latvııa komandasynyń tizginin ustap júrgen tanymal bapker Aleksandr Starkov oıynnyń qarsańynda qazaqstandyq fýtbolshylardy ózderine laıyqty qarsylas retinde maqtap ótken bolatyn. Árıne, qaı maman qarsylasyn osal dep aıtsyn? Degenmen býkmekerlik keńselerdiń paıymynsha, bul básekeniń favorıti Baltyq jaǵalaýynyń ujymy sanaldy. Oıyn nátıjesin bilgińiz kelse, «Túrkııadaǵy oıynnan túk shyqpady sany kem bolsa da latyshtardy jeńe almadyq» degen taqyrypqa zer salyńyz.
***
«Alash aınasy» gazetiniń turaqty «Dat!» aıdarynda QR Parlamenti Májilisiniń depýtaty, «Aq jol» partııasynyń tóraǵasy Azat Perýashevpen aradaǵy suhbat «Qoldan jasalǵan shıelenister eldiń ekonomıkasyna nuqsan keltirip qoımaı, adamdardyń bılik ınstıtýttaryna degen senimin joǵaltady» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Jeke bıznes, eń aldymen, shaǵyn jáne orta bıznes elimizdiń ál-aýqatynyń kepili, orta taptyń tiregi bolyp tabylady. Onyń ústine Qazaqstanda shaǵyn jáne orta bıznes únemi kóptegen qıyndyqtarǵa, sonyń ishinde memlekettik organdar tarapynan jasandy kedergilerge dýshar bolyp keledi. Osyndaı qıyndyqtardyń biri - ekonomıkalyq quqyq buzýshylyq úshin jazany qatańdatý», - deıdi.
***
«Qazaqstannyń depozıtterdi kepildendirý qory» AQ qandaı da bir iri bank defoltqa ushyraǵan jaǵdaıda mindettemeler boıynsha jaýap beredi». Bul týraly atalǵan qordyń tóraǵasy Baqyt Májenova «Kazahstanskaıa pravda» gazetine bergen suhbatynda. «Búginde qordyń shyǵyndy óteý arnaıy rezerviniń kólemi 161 mlrd., al aktıvteri 244 mlrd. teńgeni quraıdy. Sondyqtan da kepildi shyǵyndy óteý deńgeıin 5 mıllıon teńgege deıin saqtaý týraly memleket sheshiminiń mańyzdy faktorlarynyń biri qordyń qordyń turaqty qarjylyq jaǵdaıyna oraı boldy», - dedi ol. Suhbat «Obıazatelstva gosýdarstva sootnosıatsıa s ego vozmojnostıamı otvechat po nım» degen taqyryppen berilgen.
