Qoldan jasalǵan qaıyqqa otyrǵan atyraýlyq sýǵa ketti
Oblystyq tótenshe jaǵdaılar departamenti qoǵammen baılanys tobynyń málimetinshe, oqıǵa Qurmanǵazy aýdanynda boldy.
«Orly aýylynyń tusynda 53 jastaǵy er adam saǵat 18:30 shamasynda qoldan jasalǵan qaıyqpen Sharon ózeniniń kelesi jaǵalaýyna ótpek bolǵan. Alaıda, qaıyq aýdarylyp, er adam sýǵa batyp ketti. Ony izdestirý 1 qarashada bastaldy. Іzdestirý-qutqarý jumystaryna tótenshe jaǵdaılar departamentiniń 7 qyzmetkeri, 1 júzý quraly, 2 tehnıkasy tartyldy. Al jergilikti eldimekenniń 20 adamy 2 tehnıka, 1 qaıyqpen, Qurmanǵazy aýdandyq polıtsııa bóliminiń 3 qyzmetkeri 1 tehnıkamen kómekkke keldi», - dep habarlady departamenttiń qoǵammen baılanys tobynan.
Belgili bolǵandaı, Sharon ózenine batyp ketken er adamnyń denesi áli tabylǵan joq. Іzdestirý jumystary búgin qaıta jalǵasady.
«Atyraý oblysynyń turǵyndary men qonaqtaryna ózennen óter kezde saqtyq sharalaryn qatań saqtaýdy eskertemiz. Qoldan jasalǵan júzbeli quraldardy paıdalanbaǵan jón. Óıtkeni, bul ókinishke uryndyrar oqıǵaǵa sebep bolýy múmkin», - dedi departamentten.