Qoldaǵy malǵa 50 mln gektar jaıylym kerek – Roman Sklıar
Bul týraly Premer-Mınıstrdiń orynbasary Roman Sklıar Májilis ókilderiniń depýtattyq saýalyna bergen jaýabynda aıtty.
«Shynynda da aýyl turǵyndarynyń mal basy úshin jaıylym problemasy bar. Eldi mekenderdiń jaıylym alqaptarybar bolǵany 21 mln gektardy quraıdy. Halyqtyń qolyndaǵy malǵa 50 mln gektardan astam jaıylym qajet. ıAǵnı, tapshylyq 30 mln gektardaı. Oblystyq, qalalyq, aýdandyq, aýyldyq okrýgter, kentter, aýyldyq ákimdikterine aǵymdaǵy jyldyń aıaǵyna deıin uıymdasqan sharýashylyqtarda júktelmegen jaıylymdardy qaıta bólýge baǵyttalǵan Jaıylymdardy basqarý men paıdalanýdyń eki jyldyq josparyn ázirlep bekitý júkteldi», - deıdi Roman Sklıar.
Vıtse-Premer negizi jaıylym máselesi zań júzinde rettelgenin aıtyp otyr. Alaıda jergilikti atqarýshy organdar zań talaptaryn iske asyrý kezinde kemshilikter jibergen.
«Jospar ázirleý tek aýdan deńgeıinde júrgizilip, aýyldyq okrýgterdiń jaıylymǵa muqtajdyǵy jáne mal jaıý shemasy eskerilmegen. Osyǵan baılanysty, oblystarda 2021-2022 jyldarǵa arnalǵan josparlardy bekitý jumystary júrgizilýde. 144 aýdan boıynsha josparlar bekitildi. Al 47 aýdannyń jospary kelisý jáne bekitý satysynda. Jyl sońyna deıin bul jumystar tolyq aıaqtalatyn bolady», - dep jazylǵan depýtattyq saýalǵa berilgen jaýapta.
