«Qolda bar ottegi alam ómirin qutqarýǵa jumsalýy kerek» - Úndistandaǵy japon avtokontserni zaýytyn japty

TOKIO. QazAqparat - Japonııanyń Suzuki kólik shyǵarýshy kompanııasy Úndistanda avtomobıl shyǵarýdy toqtatady. Bul elde COVID-19 vırýsyna shaldyqqan patsıentter sanynyń kúrt ósip, olardy emdeý úshin qoldanylatyn ónerkásiptik otteginiń tapshylyǵyn qysqartý maqsatynda jasalatyn áreket bolmaq, dep habarlaıdy QazAqparat NikkeiAsia-ǵa silteme jasap.

Senbiden bastap 9 mamyrǵa deıin Maruti Suzuki Manesara men Gýrýgramadaǵy eki zaýytyn jabady.

«Qazirgi jaǵdaıda bizge qoljetimdi otteginiń barlyǵy adam ómirin qutqarýǵa qoldanylýy tıis dep sanaımyz», - delingen Maruti Suzuki málimdemesinde.

Suzuki Motor Gujarat ta óz zaýytynyń jumysyn toqtatady.

Toyota Kirloskar Motor kompanııasy Karnataka shtatyndaǵy Bıdadıde eki zaýytynyń 14 mamyrǵa deıin sozylatyn jyl saıynǵy tehnıkalyq qyzmet kórsetýge kiriskenin habarlady.

Qazirgi kezde koronavırýs ınfektsııasynyń ekinshi tolqynymen kúres júrgizip jatqan Úndistan otteginiń kúrdeli tapshylyǵyna tap bolǵan.