Qolda bar 63 myń 855 gıdrotehnıkalyq qurylystardyń 67 paıyzy qanaǵattanǵysyz jaǵdaıda - M. Kópeev
ASTANA. Mamyrdyń 28-i. QazAqparat /Qanat Mámetqazyuly/ - Qolda bar 63 myń 855 gıdrotehnıkalyq qurylystardyń 42 myń 812-si, ıaǵnı 67 paıyzy qanaǵattanǵysyz jaǵdaıda. Búgin QR Parlamenti Senatynda «Saýarmaly egin sharýashylyǵy máseleleri boıynsha zańnamany jetildirý jáne Qazaqstanda sýarmaly jerlerdi tıimdi paıdalanýdyń joldary» atty taqyrypta ótken jıyn barysynda Palata Tóraǵasynyń orynbasary Muhambet Kópeev osylaı málim etti,
dep habarlaıdy QazAqparat.
«Elimizdegi sýarý júıesiniń tehnıkalyq jaı-kúıi jyldan-jylǵa nasharlaý ústinde. Magıstraldyq, sharýashylyq aralyq kanaldardaǵy jáne kollektorlyq jelilerdegi sý jınaıtyn jáne gıdrotehnıkalyq qurylystardyń fızıkalyq jaǵynan da moraldyq jaǵynan da tozǵany baıqalady. Máselen, qolda bar 63 myń 855 gıdrotehnıkalyq qurylystardyń 42 myń 812-si, ıaǵnı 67 paıyzy qanaǵattanǵysyz jaǵdaıda. Sý sharýashylyǵyndaǵy sýlandyrý kanaldarynyń jaı-kúıi de máz emes. 3 myń 159 shaqyrym magıstraldyq kanaldardyń 59 paıyzy, 4 myń 582 shaqyrym sharýashylyq-aralyq kanaldardyń 63 paıyzy qanaǵattanǵysyz jaǵdaıda. 8 myń 411 shaqyrym ishki sharýashylyq kanaldardyń 80 paıyzy nashar», dedi M. Kópeev.
Onyń aıtýynsha, qazirgi tańda sýdy aıtarlyqtaı únemdeıtin tamshylatyp sýarý men jańbyrlatqysh qondyrǵylardyń paıdalaný úlesi de az bolyp otyr. «Nátıjesinde astyq ónimdiligi deńgeıi tómendep otyr», dedi senator.
